लोकसेवा हक्क अधिनियम
महाराष्ट्र राज्यातील नागरिकांना शासनामार्फत व शासनाचे अधिनस्त सर्व सार्वजनिक प्राधिकरणांमार्फत दिल्या जाणा-या अधिसूचित सेवा पारदर्शक, गतिमान व विहित कालमर्यादेत देण्यासाठी महाराष्ट्र लोकसेवा हक्क अधिनियम २०१५ पारित करण्यात आला असून तो दि. २८-०४-२०१५ पासून अंमलात आहे. नागरिकांना सुलभ व कालमर्यादेत सेवा मिळाव्यात हे त्याचे उ‍द्दीष्ट आहे.
वरीलप्रमाणे अधिसूचित सेवा नागरिकांना दिल्या जात आहेत किंवा नाही यावर देखरेख, समन्वय, सनियंत्रण ठेवण्यासाठी व या संदर्भात सुधारणा सुचविण्यासाठी उपरोक्त कायद्यान्वये महाराष्ट्र राज्य सेवा हक्क आयोग गठीत करण्यात आला असून आयोगामध्ये एक मुख्य आयुक्त व सहा आयुक्त कार्यरत आहेत. आयोगाचे मुख्यालय नविन प्रशासकीय भवन, मंत्रालयासमोर, मुंबई येथे असून सहा विभागातील मुख्यालयाच्या ठिकाणी आयुक्तांची कार्यालये आहेत.
पात्र नागरीकांना विहित वेळेत सेवा न मिळाल्यास अथवा नियमोचित कारणाशिवाय ती नाकारल्यास अशा निर्णयाविरुध्द संबंधितांना वरीष्ठांकडे प्रथम व व्दितीय अपिल करता येते व तरीही समाधान न झाल्यास आयोगाकडे तृतीय अपिल करता येते. कसूरदार अधिका-यास प्रतिप्रकरण रु.५०००/- पर्यंत दंड होऊ शकतो.
| अ.क्र | सेवा | सेवा मिळण्याचा कालवधी (दिवस) | पदनिर्देशित अधिकारी | प्रथम अपिलीय अधिकारी | द्वितीय अपिलीय अधिकारी |
|---|---|---|---|---|---|
| १ | जन्म नोंद दाखला | ७ दिवस | ग्रामसेवक | सहायक गट विकास अधिकारी | गट विकास अधिकारी |
| २ | मृत्यू नोंद दाखला | ७ दिवस | ग्रामसेवक | सहायक गट विकास अधिकारी | गट विकास अधिकारी |
| ३ | विवाह नोंद दाखला | ७ दिवस | ग्रामसेवक | सहायक गट विकास अधिकारी | गट विकास अधिकारी |
| ४ | दारिद्रय रेषेखालील असल्याचा दाखला | ७ दिवस | सहायक गट विकास अधिकारी | गट विकास अधिकारी | उप मुख्य कार्यकारी अधिकारी (पंचायत) |
| ५ | ग्रामपंचायत येणेबाकी नसल्याचा दाखला | ५ दिवस | ग्रामसेवक | सहायक गट विकास अधिकारी | गट विकास अधिकारी |
| ६ | नमुना 8 चा उतारा | ५ दिवस | ग्रामसेवक | सहायक गट विकास अधिकारी | गट विकास अधिकारी |
| ७ | निराधार असल्याचा दाखला | २० दिवस | ग्रामसेवक | सहायक गट विकास अधिकारी | गट विकास अधिकारी |
| अ.क्र | लोकसेवेचे नाव | सेवा मिळण्याचा कालवधी (दिवस) | अर्जाचा नमुना व शुल्क | पदनिर्देशित अधिकारी | प्रथम अपिलीय अधिकारी | द्वितीय अपिलीय अधिकारी |
|---|---|---|---|---|---|---|
| १ | जननी सुरक्षा योजना | प्रसुतीनंतर ७ दिवस | जननी सुरक्षा कार्ड | वैद्यकिय अधिकारी/अधिक्षक/ शासकिय संस्थाचे अधिकारी | ग्रामिण भाग-जिल्हा आरोग्य अधिकार, शहरी भाग-जिल्हा शल्यचिकित्सक | उपसंचालक आरोग्य सेवा (संबंधीत विभागीय मंडळ) |
| २ | जननी शिशु सुरक्षा योजना | ७ दिवस | माता बाल संगोपन कार्ड | प्राथमिक आरोग्य केंद्र वैद्यकिय अधिकारी/ रुग्णालये वैद्यकिय अधिक्षक/जिल्हा रुग्णालये-वरिष्ठ स्त्री रोगतज्ञ | ग्रामिण भाग-जिल्हा आरोग्य अधिकार, शहरी भाग-जिल्हा शल्यचिकित्सक | उपसंचालक आरोग्य सेवा (संबंधीत विभागीय मंडळ) |
| ३ | वैदयकिय अधिकाऱ्यांची उपस्थिती |
दररोज |
मोफत | जिल्हा शल्यचिकित्सक( जिल्हा रुग्णालये)/ जिल्हा आरोग्य अधिकार | उपसंचालक आरोग्य सेवा (संबंधीत विभागीय मंडळ) | संचालक आरोग्य सेवा |
महिला व बाल विकास विभाग, महाराष्ट्र शासन राजपत्र क्रमांक – वर्ष ५, अंक ११५ (५) बुधवार, ऑगस्ट २१, २०१९/श्रावण ३०, शके १९४१ अन्वये, महाराष्ट्र लोकसेवा हक्क अधिनियम, अन्वये खालील नमूद केलेनुसार, सेवा पुरविण्यात येत आहेत.
| अ.क्र | सेवा | सेवा मिळण्याचा कालवधी (दिवस) | पदनिर्देशित अधिकारी | प्रथम अपिलीय अधिकारी | द्वितीय अपिलीय अधिकारी |
|---|---|---|---|---|---|
| १ | अंगणवाड्यांमध्ये गरोदर महिलांची नाव नोंदणी करणे | १ दिवस | अंगणवाडी सेविका | अंगणवाडी पर्यवेक्षिका | बाल विकास प्रकल्प अधिकारी |
| २ | ०६ महिने ते ३ वर्षांपर्यंतच्या मुलांची अंगणवाडीत नोंदणी करणे | १ दिवस | अंगणवाडी सेविका | अंगणवाडी पर्यवेक्षिका | बाल विकास प्रकल्प अधिकारी |
| ३ | ०३ ते ६ वर्षांपर्यंतच्या मुलांची अंगणवाडीत नोंदणी करणे | १ दिवस | अंगणवाडी सेविका | अंगणवाडी पर्यवेक्षिका | बाल विकास प्रकल्प अधिकारी |
| ४ | सबला योजनेअंतर्गत किशोरवयीन मुलींची नाव नोंदणी करणे | १ दिवस | अंगणवाडी सेविका | अंगणवाडी पर्यवेक्षिका | बाल विकास प्रकल्प अधिकारी |
| ५ | किशोर शक्ती योजना किशोरवयीन मुलींची नाव नोंदणी करणे | १ दिवस | अंगणवाडी सेविका | अंगणवाडी पर्यवेक्षिका | बाल विकास प्रकल्प अधिकारी |
महाराष्ट्र राज्य सेवा हक्क आयोगाची वेबसाईट :- aaplesarkar.mahaonline.gov.in
महाराष्ट्र राज्य सेवा हक्क आयोग, नाशिक विभागीय कार्यालय, नाशिक
आयुक्त :श्रीमती चित्रा कुलकर्णी
पत्ता :’सिंहगड’, शासकीय विश्रामगृह,गोल्फ क्लब जवळ , नाशिक-४२२ ००२
दूरध्वनी :०२५३-२९९५०८०
ई-मेल आयडी :rtsc[dot]nashik[at]gmail[dot]com
पदनिर्देशित अधिकारी यांच्याकडून सेवा प्राप्त न झाल्यास अथवा दिलेल्या मुदतीत न मिळाल्यास व प्रथम आणि द्वितीय अपिलात न्याय न मिळाल्यास कायद्याच्या १८(१) नुसार अर्जदार नमुना व्ही मध्ये द्वितीय अर्ज प्राप्त झाल्यापासून ६० दिवसात अपील दाखल करू शकतो.